«Թերհավատորեն ենք վերաբերվում տարածաշրջանում ԱՄՆ-ի դերի աճին»․ Քանանի

Իրանի և Հայաստանի հարաբերություններն ընթանում են բարեկամական ու կառուցողական մթնոլորտում, երկու երկրներն էլ ունեն քաղաքական կամք՝ զարգացնելու երկկողմ հարաբերությունները։ Այս մասին հայտարարել է Իրանի ԱԳՆ խոսնակ Նասեր Քանանին։

Հարցին, թե ինչպես է Իրանը վերաբերվում ԱՄՆ-ի կողմից Հայաստանին զենք վաճառելուն՝ Քանանին պատասխանել է, որ որևէ փաստ չունի այդ մասին և լուրերի հիման վրա չի կարող մեկնաբանել։

«Թերհավատորեն ենք վերաբերվում տարածաշրջանում ԱՄՆ-ի դերի աճին, հատկապես՝ նրա ռազմական ներկայությանը։ Դա վերաբերում է պատմական իրողությանը՝ տարածաշրջանի երկրներում ամերիկյան կառավարության ապակայունացնող գործունեությանը»,- հավելել է Քանանին։