«Այդպես էլ չհասկացա` Լուկաշենկոյի ասածի մեջ ինչն էր սխալ». Ստեփան Դանիելյան

Քաղաքագետ Ստեփան Դանիելյանը տեսանյութ է հրապարակել ֆեյսբուքյան իր էջում՝ կից գրառմամբ․ «Այդպես էլ չհասկացա, թե Լուկաշենկոյի ասածի մեջ ինչն էր սխալ։
Եթե որեւէ մեկը գիտի, թե հայերն ում են պետք, խնդրում եմ տեղեկացնի։
Նույն կերպ բելառուսները ոչ ոքի պետք չեն, նաեւ՝ ամերիկացիները, ռուսները, արաբները ....:
Անհանգստացել են նրանք, ովքեր ցանկանում են մեզ համոզել, որ մենք ամերիկացիներին են պետք՝ որպես այդպիսին, այլ ոչ թե՝ որպես ռազմամիս, իրենց թշնամիների դեմ։
Չկան բարեկամներ ու թշնամիներ, կան շահեր եւ տվյալ կոնկրետ պահին շահերի համընկնում, կամ հակառակը։
Ինչ վերաբերվում է Լուկաշենկոյին, ապա որպես կոլխոզնիկ տղա՝ ինչ մտածում է, ասում է։ Մեր կոլխոզնիկն էլ է ինչ մտածում, ասում, ուղղակի մտածողության հետ խնդիրներ ունի»։