«Ադրբեջանական հեռուստաընկերությունը՝ Պուտին-Ալիև հանդիպման մասին»․ Տաթևիկ Հայրապետյան

Ադրբեջանագետ Տաթևիկ Հայրապետյանը թելեգրամյան իր ալիքում ադրբեջանական քարոզչական «Baku.tv» հեռուստաընկերության հրապարակումից դրվագ է տեղադրել՝ գրելով․ «Այս դրվագը Պուտինի՝ Բաքու կատարած այցի մասին է։ Հաղորդավարն ընդունում է, որ գլխավոր թեման եղել է, այսպես կոչված, Հյուսիս-Հարավ միջանցքի քննարկումը, որի նպատակն է Ադրբեջանի միջոցով Իրանը կապել ՌԴ-ին։ Այդ թեման ռուսական կողմն ակտիվորեն առաջ է մղում, իսկ ադրբեջանական կողմը դանդաղեցնում է գործընթացը, քանի որ դա հակասում է Իսրայելի ու Թուրքիայի շահերին։ Այդ համատեքստում Ադրբեջանը շարունակում է համառորեն առաջ մղել Սյունիքով արտատարածքային միջանցք ստանալու թեման, որը հանել են արևմտյան գործընկերների քննարկումների դաշտից և տեղափոխել այլ հարթակ։
Հաղորդման մեջ նաև հստակ նշվում է, որ Ադրբեջանն ընտրել է համագործակցության և կապուղիների այնպիսի առաջարկներ, որոնք բխում են Չինաստանի ու ՌԴ-ի շահերից՝ հակասելով Արևմուտքի ցանկություններին»։