«Ժամանակի ընթացքում արտաքին լսարանն էլ կհասկանա մեր մեսիջը»․ Աբրահամ Գասպարյան

«Սրբազան պայքարը Հայաստանի պատմության մեջ ամենաերկար քաղաքական պայքարն է, որ չի կորցրել իր կենսունակությունը»,- 168TV-ի եթերում ասել է լրագրող, քաղաքագետ Աբրահամ Գասպարյանը։ «Ես պրոցեսի մասին եմ խոսում։ Մարտ ամսից մինչև հիմա կենսունակ է պայքարը, տարբերվող օրակարգ է բերում, սեպտեմբերին էլ ակտիվանալու է։ Մենք գիտակցում ենք, որ այս պայքարը երկարատև է, որովհետև մենք գործ ունենք չարքի հետ։ Սա չարք է, սա սատանա է, սա նեռն է։ Պրոցեսի ներսում կան նրբություններ, որտեղ դու քո հակառակորդին, Նիկոլ Փաշինյանի դեպքում՝ քո թշնամուն, լրիվ ուրիշ ռակուրսով ես տեսնում։ Այո՛, մենք ունենք շատ լուրջ խնդիր այս մարդուն հեռացնելու, որովհետև ինքը կգնա այն քայլին, որին մենք և մեր ժողովրդի 99 տոկոսը չի գնա․ ես ինչ խնդիր էլ դնեմ իմ առջև, արյան չեմ գնա, իսկ սա արյունարբու է։ Մեր հայրենակիցներին պիտի խնդրեմ համբերությամբ զինվել, որովհետև այս չարքի դեմ պայքարը հեշտ չէ։ Ժամանակի ընթացքում արտաքին լսարանն էլ կհասկանա մեր մեսիջը, որովհետև չարքը ոչ միայն ներսի, այլ նաև դրսի համար է չարք»,- նշել է Գասպարյանը: