««Զանգեզուրի միջանցքի» հարցը հարյուր տարի է՝ եփվում է»․ Ռուբեն Մելքոնյան

«Առաջին անգամ չէ, որ «Զանգեզուրի միջանցքի» և Սյունիքի հետ կապված նման վիճակ է ստեղծվել։ Նույնը եղել է նաև100 տարի առաջ։ Պատահական չէր, որ Նժդեհը հենց այդ տարածքն էր պահում, և պատահական չէ, որ նա մեր ժամանակակից պատմության ամենաուժեղ ստրատեգն է»,- 168TV-ի եթերում ասել է թուրքագետ, ԵՊՀ արևելագիտության ֆակուլտետի դեկան Ռուբեն Մելքոնյանը՝ նշելով, որ «Զանգեզուրի միջանցքի» խնդիրը դամոկլյան սրի նման միշտ կախված է հայկական պետականության և հայության գլխին։ «Հիմա հերթական փուլն է, որը պետք է հաղթահարել՝ հարցն իրապես դուրս մղելով օրակարագից։ Ծանոթ լինելով թուրքական պետականության գաղափարական հենքերին և ստրատեգիական փաստաթղթերին՝ չեմ հավատում, որ հարցը կարելի է լիովին փակել։ «Զանգեզուրի միջանքի» հարցը հարյուր տարի է՝ եփվում է և շատ դժվար է թուրքական պետականության հայեցակարգային փաստաթղթերից մեկ րոպեում այն հանել։ Դիվանագետները պետք է կարողանան այդ հարցը հնարավորինս դուրս մղել քաղաքական օրակարգից, այնպես, ինչպես արվեց 80-ականներին»,- ասել է Մելքոնյանը։