«Չինովնիկական խավի ճնշող մեծամասնությունն աղոթում է, որ Նիկոլն առավոտը քնից չհելնի»․ Հովիկ Աղազարյան

ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը, «Նյուզի» եթերում անդրադառնալով դիտարկմանը, ըստ որի՝ ընդդիմադիրները նրանց մեղադրում են, որ հասարակության հետ շփումներում Փաշինյանին անվտանգային մեծաթիվ աշխատակիցներ են շրջապատում և որ դրանով փորձում են ընդամենը պատկեր ապահովել, թե իբր կարողանում են շփվել մարդկանց հետ, ասել է․ «Եթե այդ ամենը սարքովի լինի, կերևա․․․ Ռոբերտ Քոչարյանի շուտվա խոսք էր, թե նոր խոսք էր, որ ասում է՝ ես չեմ հիշում որևէ ընտրություն, որտեղ վարչական ռեսուրսն օգտագործվի այնպես, ինչպես ասենք վերջին անգամ․․․ Չինովնիկական խավի ճնշող մեծամասնությունը մեզ դեմ է և մեր դեմ էլ աշխատում է, քաղաքապետարանի 70 տոկոսը մեզ դեմ է և մեր դեմ էլ աշխատում է, էն հներն են, որ քնելուց առաջ աղոթում են, ասում՝ Տեր Աստված, մի բան արա՝ Նիկոլն առավոտը քնից չհելնի, որ վերադառնա իրենց էն հի՜ն, բարի ժամանակները»։