«Դպրոցը պետք է երեխային հասկանալի ձևով ու լեզվով ուսուցանի»․ Ժաննա Անդրեասյան

«Թվում է թե մեր դպրոցը պետք է կապ չունենա իրականության հետ։ Մարդիկ հուզվում են, երբ դասագրքերում այֆոնի մասին է խոսք, հուզվում են, երբ ժամանակակից երաժշտությանն ենք անդրադառնում»,-ասուլիսին ասաց ԿԳՄՍ նախարար Ժաննա Անդրեասյանը՝ անդրադառնալով դասագրքերի բովանդակությանը։ «Իրականում մեր դպրոցը պետք է մոտ լինի կյանքին, չի կարող երեխաների կյանքը լինի մի բանի մասին, դպրոցը՝ տրամագծորեն այլ բանի մասին։ Դպրոցը գնալով կորցրել է կապը երեխաների հետ և երեխաներին դարձել է ծայրահեղ անհետաքրքիր այդ դպրոցում գտնվելը։ Դպրոցը պետք է երեխային հասկանալի ձևով ու լեզվով սովորեցնի այն արժեքներն ու հմտությունները, որի կարիքն այդքան ունենք»։