«Փող չենք ուզում, մեր վարորդական իրավունքներն ենք ուզում, որ գնանք, աշխատենք»․ բողոքի ակցիա՝ Կառավարության դիմաց

Կառավարության դիմաց վարորդական իրավունքից զրկված քաղաքացիները հերթական բողոքի ակցիան են կազմակերպել՝ կրկին բողոքելով վարորդական իրավունքի վերականգնման նոր կարգից։ «Պարոն վարչապետ, լուծեք այս հարցը, ինչքան ժամանակ ա գալիս ենք-գալիս ենք, ձեր դուրը գալի՞ս ա սաղ օրը գանք ստեղ, մի հատ ԱԺ, սաղ նախարարների դուռը ծեծեն՞նք։ Փող չենք ուզում, մեր վարորդական իրավունքներն ենք ուզում, որ գնանք աշխատենք, ընտանիք պահենք։ Մեկը Ստեփանավանից է եկել, մեկը Կիրովականից քանի անգամ պիտի գա-գնա, ինչքա՞ն փող պիտի ծախսեն»,- նշել է վարորդներից մեկը։

«Ընտրություններից առաջ հրապարակում հանդիպել ենք վարչապետի հետ, խոստացան բոլորինը տալ ու հետո սկսեցին մասնատել․ Ռուսաստանում զրկված, արցախցիներ»,- նշեց ակցիայի մասնակիցներից մեկը։