«Եղել է մեծ պայմանավորվածություն՝ Արցախը դատարկելու»․ Իշխան Սաղաթելյան

«Իշխանությունները պետք է մի օր ասեն չէ՞՝ պատերազմից քանի օր առաջ են տեղյակ եղել լայնածավալ հարձակմանը, Ալիևին, Էրդողանին, Արևմուտքին ի՞նչ խոստում են տվել։ Հիմա հա՛ թող թաքցնեն, հա՛ թող վերացնեն։ Ակնհայտ է, որ եղել է մեծ պայմանավորվածություն՝ Արցախը դատարկելու»,- «Մեդիահաբ»-ի եթերում հայտարարել է ԱԺ «Հայաստան» խմբակցության պատգամավոր Իշխան Սաղաթելյանը՝ հարցադրում հնչեցնելով․ «Արդյո՞ք իրենք Արցախը դատարկելուց մի տարի առաջ միջազգային տարբեր ատյաններում կամ մարդկանց հետ քննարկել են Արցախը դատարկելու, արցախցիներին ստեղ տեղափոխելու ու վերաբնակեցնելու ծրագիր ու խոսել են ինչ-որ փողի մասին։ Եթե ոչ անձամբ, ինչ-որ մարդկանց միջոցով, ինչ-որ շրջանակների հետ նման խոսակցություն են ունեցել»։ Հարցին՝ ՀՅԴ-ն գիտե՞ր այդ մասին, պատասխանել է․ «Էդ շրջանում չէ, հետո տարբեր տեղերից ունեցել ենք էդ տեղեկությունները»։ Պատգամավորն ընդգծել է՝ Արցախում տեղի ունեցածի գլխավոր մեղավորը, պատասխանատուն Նիկոլ Փաշինյանն է, ով, նրա խոսքով, Ալիևի հետ Էրդողանի քավորությամբ դա իրականացրել է։