«Հուսով եմ՝ բոլորը հասկանում են պահի լրջությունը»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Սահմանադրական դատարանին հանձնարարված է 2024 թվականի սեպտեմբերի 24-ին ակնհայտ ապօրինի և հակասահմանադրական սահմանային հանձնաժողովների կանոնակարգին վերաբերյալ տալ Սահմանադրությանը համապատասխանելու եզրակացություն։ Սահմանադրական դատարանի ներկա կազմը դա անելու է առանց վարանելու։
Սրբազան պայքարի սեպտեմբերի 22-ի նոր պայքարն ազդարարող հավաքի գլխավոր խնդիրը պետք է լինի դա կանխելն ամեն գնով։
Սեպտեմբերի 23-ից Ազգային ժողովում պետք է մեկնարկի Նիկոլ Փաշինյանին ՀՀ վարչապետի պաշտոնից անվստահություն հայտնելու գործընթացը։
Եթե դա տեղի չունենա, ապա Ազգային ժողովի «Հայաստան» և «Պատիվ ունեմ» խմբակցությունների պատգամավորները պետք է միաժամանակ վայր դնեն մանդատները, իսկ նրանց հաջորդող թեկնածուները հրաժարվեն մանդատներ վերցնելուց, որպեսզի Ազգային ժողովը լուծարվի և այդ պետականակործան փաստաթուղթը որևէ կերպ չվավերացվի Ազգային ժողովում։
Հուսով եմ՝ բոլորը հասկանում են պահի լրջությունը և իրենց ամեն քայլ, այդ թվում անգործության պատասխանատվության աստիճանը»։