«Ֆրանսիայի նախագահի մոտ դարձյա՞լ տրամադրությունների փոփոխություն է». Հակոբ Բադալյան
78 Այսօր, 18:54 Քաղաքական մեկնաբան Հակոբ Բադալյանի գրառումը. «Մինչդեռ, Ֆրանսիայի նախագահ Մակրոնը Փարիզում կայացած խաղաղության հարցերի վերաբերյալ միջազգային համաժողովի ելույթում արել է մի քանի ուշագրավ հայտարարություն: Մասնավորապես, Մակրոնը հայտարարել է, որ Եվրոպան չի սահմանափակվում միայն Եվրոմիությամբ ու ՆԱՏՕ-ով, հետեւաբար, պետք է խորհել Եվրոպայի ապագա կազմակերպման շուրջ: «Մենք փորձում ենք զարգացնել Եվրոպական քաղաքական համայնքը: Բայց մենք պետք է խորհենք Եվրոպայի կազմակերպման նոր ձեւի մասին, իսկ հետո վերաիմաստավորենք մեր կապերը Ռուսաստանի հետ, այս մայրցամաքում խաղաղության մասին»,- հայտարարել է Մակրոնը: Նա խոսել է նաեւ, որ Երկրորդ համաշխարհային պատերազմի արդյունքում ձեւավորված աշխարհակարգը անարդար է եւ պետք է կառուցել նոր աշխարհակարգ: Ֆրանսիայի նախագահի մոտ դարձյա՞լ տրամադրությունների փոփոխություն է, թե՞ նա շարունակում է «պատեպատ» քաղաքականությունը, այսինքն փորձում դիրք ու տեղ փնտրել որտեղ որ կհաջողի՝ լինի Միացյալ Նահանգներ, Չինաստան, Հնդկաստան, թե այլուր: Ֆրանսիան բարդ վիճակում է: Իհարկե գուցե ոչ այնքան, որքան Գերմանիան, բայց բարդ վիճակում է: Առնվազն այն հանգամանքը, որ երկրորդ համաշխարհայինից հետո Ֆրանսիան ըստ էության ներառվել է «հաղթողների բարձրագույն խմբում»՝ հիմնականում ԽՍՀՄ նախաձեռնությամբ, ինչը իհարկե պայմանավորված է եղել Ստալինի հաշվարկներով, Ֆրանսիայի առնչությամբ ձեւավորել է որոշակի թե մտածողական, թե հոգեբանական իներցիա՝ լինել առաջնորդողների, եղանակ ստեղծողների շարքում: Բայց, դա բարդ է, որովհետեւ այդ առումով Ֆրանսիան այսօր բավականին թույլ է: Ֆրանսիան կամ ամբողջապես կենթարկվի բրիտանական ռազմավարության, կամ համարձակություն կունենա իր ռազմավարությամբ ի վերջո ավելի համարձակ ու ինքնիշխան աշխատել Ռուսաստանի եւ Գլոբալ հարավի ուղղությամբ»: Աղբյուրը` Հակոբ Բադալյան |
«Ֆրանսիայի նախագահի մոտ դարձյա՞լ տրամադրությունների փոփոխություն է». Հակոբ Բադալյան
7818:54«Պատեհ առիթ է, որ վարչապետի ու կաթողիկոսի միջև վերականգնվեն պարզ շփումները». Թաթուլ Հակոբյան
6518:30«Մինչև ե՞րբ են ներկա և նախկին իշխանությունները մոլորեցնելու ժողովրդին»․ Նորիկ Նորիկյան
8117:18«Որպեսզի երկիրն անկախ լինի, պետք է ղեկավարը անկախ լինի»․ Սևակ Հակոբյան (տեսանյութ)
8717:06Մեկնարկում է ՄԱԿ-ի ԳԱ նիստը. ՈՒՂԻՂ ՄԻԱՑՈՒՄ (տեսանյութ)
7517:00Լուկաշենկոն հայտարարել է, որ հարկավոր է պատրաստվել պատերազմի
19416:12«Մեկը չկա՞ր՝ դրան ասեր՝ մենք քո բերած «ապագայից» գոհ ենք»․ Էդուարդ Շարմազանով
8916:06ՀՅԴ Հայաստանի Գերագույն մարմինը հանդես է եկել հայտարարությամբ
9115:36