«Մինչև ե՞րբ են ներկա և նախկին իշխանությունները մոլորեցնելու ժողովրդին»․ Նորիկ Նորիկյան

«Արդար Հայաստան» կուսակցության նախագահ Նորիկ Նորիկյանի ֆեյսբուքյան գրառումը․ «Ինչո՞ւ և մինչև ե՞րբ ներկա ու նախկին իշխանությունները պետք է խաբեն ու մոլորեցնեն մեր ժողովրդին:
Այդ ո՞ր ռազմավարական հարցն է նրանց շահերը համադրում՝ այդքան առերևույթ հակադիր լինելով միմյանց հետ, թեև այն հանգամանքին, որ քաղաքական գործընթացների տրամաբանությունից ակնհայտ է, որ այս ուժերից որևէ մեկի գոյությունը պայմանավորված է բացառապես մյուսի գոյությամբ։
Այս ուժերը մեկը մյուսին մեղադրում են Արցախի կործանման համար՝ փորձելով ամոթի ու խայտառակության խարանը հեռացնել իրենից՝ փոշիացնելով քաղաքական դաշտի առողջացման հնարավորությունն ու որակապես նոր քաղաքական օրակարգի առաջացման պատմական անհրաժեշտությունը»։
Այնինչ, իրենցից յուրաքանյուրն էլ շատ լավ ու ենթագիտակցորեն հասկանում է, որ հավասարապես ու համապարտ պատասխանատվություն են կրում Արցախի կորստի ու Հայաստանի Հանրապետության պետականությունը վտանգի առաջ կանգնեցնելու համար։
Հանեք այս հարցը, և կտեսնեք, որ նրանցից որևէ մեկն այլևս պիտանի ու անհրաժեշտ չէ մեր հասարակությանն ու պետությանը, որ նրանք այլևս սպառված քաղաքական ուժեր են, որոնք որևէ նոր բան ասելու և անելու ռեսուրս չունեն․․․»։