ԵՄ-ին անդամակցության հանրաքվե չի լինելու. Փաշինյանի հրահանգը` ընդդեմ եվրոպամետների. «Ժողովուրդ»
120 Այսօր, 09:00 «Ժողովուրդ» օրաթերթը գրում է․ «Մինչ արտախորհրդարանական ուժերն այս օրերին հասարակության եվրոպամետ հատվածի ստորագրություններն են որսում, որպեսզի այդ միջոցով իշխանություններից պահանջեն ԵՄ անդամակցության հարցով հանրաքվե անցկացնել, Նիկոլ Փաշինյանը իր թիմակիցներին հրահանգել է՝ ԵՄ-ին անդամակցելու հարցով հանրաքվե չի լինելու։ Այս տեղեկության առնչությամբ զրուցեցինք ՔՊԿ փոխնախագահ, վարչության անդամ Վահագն Ալեքսանյանի հետ, ով ասաց, որ վարչության նիստերը փակ են. «Երկրորդ՝ այն թեմաները, որոնք քննարկում ենք, մեր ռելիզներում հրապարակում ենք, իսկ այդ թեման ընդհանրապես չի քննարկվել և ռելիզներում էլ չկա»։ ՔՊԿ վարչության անդամ, ՊՎԾ ղեկավար Ռոմանոս Պետրոսյանը ևս ասաց, որ վարչության նիստերի մասին տեղեկություն պաշտոնապես տրվում է, ինքը ոչինչ չունի ասելու։ Իսկ երբ նրանից հետաքրքրվեցինք՝ առհասարակ, իրենց օրակարգում կա՞ ԵՄ-ին անդամակցելու հարց, նման քննարկում կուսակցությունում ունեցե՞լ են, եթե ունեցել են, ի՞նչ ֆորմատով, նա խուսափողական պատասխան տվեց. «Խնդրում եմ, այդ մասով հարցեր մի ուղղեք, ես վարչության անդամ եմ, բայց հարկ եղած դեպքում՝ վարչության կողմից հայտարարություն տարածվում է։ Ես որևէ մեկնաբանություն կուսակցական գործունեության մասով չեմ ուզում եմ տալ»: Ռոմանոս Պետրոսյանից հետաքրքրվեցինք նաև՝ ինքն անձնապես ի՞նչ դիրքորոշում ունի այս մասով, արդյոք իրատեսական համարո՞ւմ է ԵՄ անդամակցությունը: Պետրոսյանը կրկին խուսափեց պատասխանելուց՝ ասելով՝ «Ես դիրքորոշում չունեմ դրա վերաբերյալ հայտնելու»։ «Հանուն Հանրապետության» կուսակցության ղեկավար Արման Բաբաջանյանը, ով ստորագրահավաքի նախաձեռնողներից է, ասաց. «Նիկոլ Փաշինյանն էլ ինձ հետ համակարծիք կլինի, որ Հայաստանում ժողովուրդն է իշխանությունը, իսկ ժողովուրդը գիտի՝ ինչ պետք է անել, մենք էլ ժողովրդի աջակցությամբ գիտենք՝ ինչպես պետք է առաջնորդենք այս շարժումը։ Մենք, օրենքով սահմանված կարգով, 50 հազար ստորագրությունն ենք հավաքում, որից հետո կտեսնենք՝ ԱԺ-ում ինչ ընթացք կունենա, եւ ըստ այդմ կորոշենք, թե ինչպես ենք գործելու. բայց որ իշխանությունը ոչ թե Նիկոլ Փաշինյանն է, այլ ժողովուրդը, այստեղ երկու կարծիք չկա»։ Արման Բաբաջանյանից հետաքրքրվեցինք՝ հնարավո՞ր է խորհրդարանի կողմից մերժում ստանալուց հետո՝ 300 հազար ստորագրություն հավաքելու ուղղությամբ սկսեն աշխատել. «Մենք որևէ բան չենք բացառում, բայց այդ մասով դեռ չունենք որոշում։ Ժողովրդի ոգևորությունը տեսնելով՝ կարծում ենք, որ 300 հազար ստորագրություն հավաքելու համար ոչ մի դժվարություն չի լինի»: Մանրամասները՝ թերթի համարում: |
«Քանի Ադրբեջանի հետ կան հարցեր, Թուրքիան երբեք հարաբերություններ չի կարգավորելու ՀՀ-ի հետ»․ Գեղամ Մանուկյան (տեսանյութ)
1214:18«Ամեն լիդեր իր կյանքի կոնցեպտով է պետություն կազմում»․ Ալեն Ղևոնդյան
4113:42«Ոչ թե հանդիպում, այլ այցելություն «Թուրքական տուն» կոչվող երկնաքեր»․ Գեղամ Մանուկյան
5013:12«Իրանը սպառնում է իմ կյանքին». Թրամփ
6213:08Թրամփը չի նախատեսում հանդիպել Զելենսկու հետ. #AP
9212:18«Գոնե կարելի էր սովորել նստելու էթիկան»․ Արա Պողոսյան
9312:00«Մեր համագործակցությունը ներառում է նաև պաշտպանական գնումների ոլորտը». Կիպրոսի պաշտպանության նախարար (տեսանյութ)
6911:36«Իսկ Ռոբերտ Քոչարյանի գրքով նկարվելը խնդրահարույց էր». Վարուժան Գեղամյան
10511:30