«Ինչո՞ւ է պետք վերահսկել պետական գնումները». ԻՔՄ

«Իրազեկ քաղաքացիների միավորում»-ը հաղորդագրություն է տարածել՝ կից տեսանյութով. «Պետությունն ու համայնքները տարեկան միլիարդավոր դոլարների գնումներ են կատարում՝ բանակի համար զենքերից մինչև շենքերի վերելակներ, դպրոցների ու ճանապարհների կառուցումից մինչև նախարարությունների համար թուղթ ու գրիչ, տոնակատարությունների կազմակերպումից մինչև մանկապարտեզների սնունդ:

Այդ գնումների համար անհրաժեշտ գումարներն առաջանում են, այդ թվում, շարքային քաղաքացիների վճարած հարկերից, ու, պայմանական ասած, այն գումարը, որը քաղաքացին կարող էր ծախսել իր համար որևէ հաճելի գնում կատարելու համար, պետությունը վերցնում է իրեն՝ պետական և համայնքային կարիքների համար գնումներ անելու նպատակով»: