«Քանի Ադրբեջանի հետ կան հարցեր, Թուրքիան երբեք հարաբերություններ չի կարգավորելու ՀՀ-ի հետ»․ Գեղամ Մանուկյան

«Երբ ձևավորվեց Հայաստան-Թուրքիա բանակցությունների հարթակը, հայկական կողմը հպարտանում էր, որ տեսեք տեքստերում ձևակերպում ենք՝ առանց նախապայմանների։ Ի վերջո թուրքական նախապայմաններն ի՞նչ էին՝ Արցախ, ազատագրված տարածքներից զորքերի հետքաշում, ինչն էլ կատարվել է»,- ճեպազրույցի ընթացքում նշել է ԱԺ «Հայաստան» խմբակցության պատգամավոր Գեղամ Մանուկյանը։ «Թուրքական նախապայմանն էր, որ Հայաստանը ցեղասպանության միջազգային ճանաչումը, որպես պետություն, չպետք է հետապնդի։ Բազմաթիվ առիթներով Նիկոլ Փաշինյանի հայտարարությունները դրա վկայությունն են։ Թուրքիան միշտ իր հարաբերությունները Հայաստանի հետ պայմանավորել է հայ-ադրբեջանական հարաբերություններով։ Քանի Ադրբեջանի հետ կան հարցեր, Թուրքիան երբեք հարաբերություններ չի կարգավորելու։ Մնացածը հեքիաթ է՝ սեփական ժողովրդին մոլորեցնելու համար»,- նշել է Մանուկյանը։