Թուրքիան և Ադրբեջանը կմեկնարկեն համատեղ ռազմարդյունաբերական ծրագրեր

Թուրքական «ASELSAN» ռազմարդյունաբերական ընկերության գլխավոր տնօրեն Ահմեդ Աքյոլը ելույթ է ունեցել Բաքվում ընթացող՝ «Ադրբեջանի ռազմարդյունաբերական 5-րդ միջազգային վաճառք-ցուցահանդեսի» (ADEX 2024) շրջանակներում:

Աքյոլը հայտարարել է, որ իրենք ընդլայնում են ընկերության գործունեությունն Ադրբեջանում և արդեն տեղի գործընկերների հետ քննարկում են համատեղ արդյունաբերությանը վերաբերող հարցեր:

«Մենք Ադրբեջանում գեղեցիկ անցյալ ունենք: Ամենադժվար պահերին եղել ենք այս երկրի կողքին»,- նրա խոսքերն է մեջբերում «Էրմենիհաբեր»-ը: