«ՀՀ-ում ցորենի արտադրությունը ձեռնտու չէ»․ Գևորգ Պապոյան

«ՀՀ-ում ցորենի արտադրությունը տնտեսապես ոչ ձեռնտու գործընթաց է։ Օրինակ՝ 1 հեկտար ջրովի տարածքից ստացվում է 400 հազար դրամի ցորեն, բայց ծախսը 420 հազար է»,- այսօր լրագրողների հետ զրույցում ասաց Էկոնոմիկայի նախարար Գևորգ Պապոյանը՝ ի պատասխան դիտարկմանը, թե անցած տարվանից աշնանացան ցորենի սուբսիդավորման ծրագիրը կառավարությունը դադարեցրել է, ինչը մեծ վնաս է հասցրել գյուղացիներին։ Նախարարի խոսքով ավելի եկամտաբեր կլինի ինտենսիվ այգեգործությունը զարգացնել, առաջացած գումարով էլ ներմուծել այն, ինչ չենք կարող արտադրել։

«Ցորենը ռազմավարական նշանակության ապրանք է»,-հավելեց լրագրողը, որին ի պատասխան՝ նախարարն ասաց․ «Ռազմավարական նշանակության շատ ապրանքներ կան՝ գազ, նավթ»։