«Էդ ուժերը Սրբազանին ժերտվա են տալու»․ Սուրեն Պետրոսյան

«Ժողովրդավարական համախմբում» կուսակցության նախագահ Սուրեն Պետրոսյանը «Իրականում»-ի եթերում անդրադառնալով «Սրբազան պայքար» շարժման՝ հոկտեմբերի 2-ի հանրահավաքին, ասել է․ «Ոչ թե ես պետք է դրա գնահատականը տամ, այլ՝ ժողովուրդը, որ հենց այդ օրը տվեց։ Սա չեմ ասում չարախնդալով, ամենևին դա ինձ հաճույք չի պատճառում, նույնիսկ դրան նայում եմ շատ ցավոտ, որովհետև ես եղել եմ ակունքներում, ճանապարհ եմ անցել․ այսպես չպետք է լիներ։ Երկու նախագահների գլխավորությամբ, երկու, երեք ուժերը իրար հետ միասին երևի թե 3000 մարդ կարողացան հավաքել։ Ժողովուրդը տվեց ամեն ինչի պատասխանը։ Ես ասում էի՝ ինչ է լինելու ավարտը, եթե հանկարծ որևէ փուլում շարժման պլատֆորմ դառնա պառլամենտական ընդդիմությունը՝ երկու նախագահների գլխավորությամբ։ Այն ժամանակ էլ եմ ասել՝ էդ ուժերը Սրբազանին ժերտվա են տալու, որը լինում է․ վերջին շտրիխն է մնացել»։