«Հեզբոլլահ»-ը համաձայնել է Իսրայելի հետ զինադադարին
501 Չորեքշաբթի, 09 հոկտեմբերի, 2024 թ., 21:42 «Հեզբոլլահ»-ի ղեկավարի տեղակալ Նաիմ Ղասեմը հայտարարել է Իսրայելի հետ զինադադար կնքելու՝ խմբավորման պատրաստակամության մասին։ Դա տեղի է ունեցել երկու շաբաթվա ընթացքում իսրայելական բանակի (IDF) կողմից կազմակերպության 3 առաջնորդների լիկվիդացման ֆոնին։ Ղասեմի խոսքով՝ հրադադարի հարցը դիվանագիտական ճանապարհով լուծելուց հետո կարելի է քննարկել հետագա մանրամասները և համապատասխան որոշումներ ընդունել, գրում է The Jerusalem Post-ը։ Ղասեմը նշել է նաև Լիբանանի խորհրդարանի նախագահ Նաբիհ Բըրրիի ջանքերը խաղաղ կյանքը վերականգնելու ուղղությամբ և աջակցություն է հայտնել իրավիճակի կարգավորման նախաձեռնություններին։ «Հեզբոլլահ»-ը նախկինում Լիբանանում հնարավոր զինադադարը կապում էր Գազայի հատվածում հրադադարի հետ, որտեղ իսրայելական բանակը գործողություն է իրականացնում ՀԱՄԱՍ-ի դեմ, սակայն Ղասեմն իր վերջին հայտարարության մեջ չի հիշատակել այդ պայմանը։ Խմբի դիրքորոշման փոփոխությունը չէր կարող տեղի ունենալ առանց Թեհրանի մասնակցության։ Ըստ NDTV-ի՝ Իրանի արտգործնախարար Աբբաս Արաքչիի՝ Լիբանան կատարած այցի ընթացքում երկրի ղեկավարությանը և «Հեզբոլլահ»-ին խնդրել են դիտարկել ռազմական գործողությունները դադարեցնելու հնարավորությունը։ Իսրայելական հեռուստատեսության տվյալներով՝ ԱՄՆ-ն և արաբական մի քանի երկրներ գաղտնի բանակցություններ են վարում Իրանի հետ՝ մի քանի ճակատներում հրադադարի հասնելու համար։ Բանակցողները փորձում են համոզել Թեհրանին՝ ճնշում գործադրել Լիբանանի, Իրաքի, Սիրիայի և Եմենի իրանամետ խմբավորումների վրա՝ զենքերը վայր դնելու համար: Աղբյուրները նաև նշում են, որ Իսրայելն սկսել է պայմաններ մշակել «Հեզբոլլահ»-ի հետ հրադադարի շուրջ բանակցությունների համար: |
«Թալան՝ Երևանի մետրոպոլիտենում»․ Կարեն Հեքիմյան
1912:12«Բրեժնևի կերպարով բեմ դուրս եկած այս պատուհասի մեդալներից միայն մեկն է պետական պարգև»․ Էդգար Ղազարյան
7811:30««Խաղաղության խաչմերուկ» նախագիծն Ադրբեջանին մտահոգում է նրանով, որ կարող է տասնյակ միլիարդների օգուտներ բերել ՀՀ-ին»․ Նիկոլ Փաշինյան (տեսանյութ)
5211:24«Խաղաղության խաչմերուկ. միավորելով անվտանգությունն ու ժողովրդավարությունը» թեմայով քննարկումը՝ ուղիղ միացմամբ (տեսանյութ)
6610:54«Ադրբեջանական քարոզչական կանալներից մեկը սադրիչ ու վտանգավոր «արտահոսք» է հրապարակել»․ Տիգրան Աբրահամյան
12710:06«Դատարանը շարունակում է սահմանափակված պահել Արմեն Աշոտյանի մի շարք հիմնարար ազատություններ»․ Ռուբեն Մելիքյան
7810:00Գերիների հարցն Ադրբեջանը չի էլ քննարկում․ «Հրապարակ»
8409:30Սպասվող եղանակի մասին (լուսանկար)
11808:36