«Ավելի վատ բան Հայաստանի դեգրադացման համար դժվար կարելի էր ակնկալել». Վահագն Սարոյան

Ռազմական փորձագետ Վահագն Սարոյանի ֆեյսբուքյան գրառումը․ «Հասկացե՞լ եք, թե որն է իշխանության սեփական թիմի ներքին ու արտաքին պահանջատիրությունը... չեզոքացնել, ապօրինի աշխատանքից ազատել, հարկային ու վարչական պատասխանատվության ենթարկել, կալանավորել և այլն, այսինքն, օրենքի տված հնարավորությունները մահակ է իրենց դեմ արտահայտվողների դեմ։ Սա կոչվում է իշխանական տեռոր։ Ավելի վատ բան Հայաստանի դեգրադացման համար դժվար կարելի էր ակնկալել:
Ի դեպ, դրա մասին խոսեց նաև իշխանական պատգամավորներից մեկը՝ ասելով, որ իշխանությունը կալանքը որպես ճնշման միջոց է կիրառում։ Այս կարևոր խոստովանությունը գալիս է ապացուցելու, որ Հայաստանում բարձր մակարդակի վրա գտնվում է միայն ընտրովի արդարադատությունը։ Քաղբանտարկյալների առկայությունը դրա վառ ապացույցն է։ Երբ ընդդիմադիր գործիչների վրա փութաջանորեն գործեր են հարուցվում, կալանքներ են տրվում ու երկարացվում, իսկ իշխանական պատգամավորի ակնհայտ դրսևորումները չի դատապարտվում, օրենք չի կիրառվում»: