«Առանց ազգային իշխանություն ձևավորելու՝ ո՛չ Արցախը, ո՛չ Հայաստանը ապագա ունենալ չեն կարող»․ Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը․ «Արցախի հայաթափումից անմիջապես հետո ՀՀ իշխանություններին առաջարկվել է Լեռնային Ղարաբաղից տեղահանված մեր հայրենակիցների իրավունքների վերականգնմանը նվիրված միջազգային համաժողով կազմակերպել՝ հաշվի առնելով նմանօրինակ համաժողովների պրակտիկան և դրական արդյունքները։ Իրենց շողքից վախեցած իշխանությունը բնականաբար մերժել է։
Մեկ տարի անց օտարն է նման նախաձեռնությամբ հանդես գալիս՝ տրամաբանորեն օգտագործելով իրեն ձեռնտու օրակարգը։
ՀՀ իշխանությունների ապիկարության ֆոնին Շվեյցարիան է պատրաստակամություն հայտնում Լեռնային Ղարաբաղի հակամարտության վերաբերյալ խաղաղության միջազգային համաժողով կազմակերպել՝ Դաշնային խորհրդի (խորհրդարանի ստորին պալատ) արտաքին հարաբերությունների հանձնաժողովի մակարդակով ընդունելով համապատասխան բանաձև։
Սա առաջին դեպքը չէ, երբ օտար պետությունը կամ բարձրաստիճան պաշտոնյան Արցախի հարցում ավելի մեծ ակտիվություն է ցուցաբերում քան Նիկոլը։
Ցավալի է բայց փաստ, առանց սրանց հեռացնելու և ազգային իշխանություն ձևավորելու ոչ Արցախը և ոչ էլ Հայաստանը ապագա ունենալ չեն կարող»։