«Աղազարյան-Քյարամյան «վիճաբանությունը» «փլուզում» չի առաջացնի, հույսներդ կտրեք»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը․ «Քյարամյան Արգիշտիի և Աղազարյան Հովիկի վիճաբանությանը նմանվող խոսակցությունն իշխանափոխության հույս տվեց հայաստանյան ընդդիմադիրներին: Վերջիններս, միմյանց հերթ չտալով, խոսում են «համակարգի փլուզման» կամ, գոնե՝ «փլուզման նշանների» մասին: Լավ, ենթադրենք՝ Քյարամյան Արգիշտիի և Աղազարյան Հովիկի վեճի արդյունքում «համակարգը փլուզվի»: Դուք՝ ընդդիմադիրներդ, ինչ եք արել այդ «փլուզման» համար: Աղազարյան Հովիկի՞ն եք քաջալերել, թե՞ Քյարամյան Արգիշտիին: Ախր, ընդդիմադիրները համակարգի ենթադրելի «փլուզման» համար ոչինչ չեն ձեռնարկում՝ կամ չեն կարող, կամ չեն ցանկանում:
Վերջիններս, հանուն իրենց պատկերացրած Հայաստանի, նույնիսկ մանդատներն են ափսոսում: Ցավոք, Հայաստանի ընդդիմադիրների այսրոպեական առաքելությունը Աղազարյան Հովիկի և Քյարամյան Արգիշտիի գործողություններին հետևելն է և դարակազմիկ եզրակացություններ հրապարակելը:
Պարոնայք ընդդիմադիրներ, տարատեսակ ՔՊ-ականների գործողություններից ենթադրյալ շահ ակնկալելու փոխարեն, ունեցեք ձեր գործողությունների ծրագիրը:
Իսկ Աղազարյան Հովիկի և Քյարամյան Արգիշտիի «վիճաբանությունը» «փլուզում» չի առաջացնի: Հույսներդ կտրեք:
Ի դեպ, սրանք գոնե առերևույթ վիճում են, իսկ ինչո՞վ է զբաղվում ընդդիմության «առաջնորդներից», օրինակ՝ Մարգարյան Տարոնը: Կարծում եմ՝ ոչնչով: Դրա մասին մտածեք»։