«Սնա՛նկ վարչապետ, հոգիդ զղջալ չգիտի․ հոգիդ էլ է սնանկ»․ Բագրատ Սրբազան

«Քաղաքական անձը որքան եսակենտրոն սիրահարվածություն, բարոյական սնանկություն, քաղաքական ինքնապաշտություն պետք է ունենա, որ իր անձնական, քաղաքական, պատմական, բարոյական սնանկությունը չհասկանա, չընդունի և այն շարունակաբար լղոզի սեփական երկրի և ժողովրդի վրա՝ մահ, կորուստ և կործանում, սնանկություն և պատվազրկում բերելով նույն այդ ժողովրդին»,-ԱԺ-ում լսումների ժամանակ իր ելույթում նշեց «Սրբազան շարժման» առաջնորդ Բագրատ Սրբազանը։ Սրբազանը, դիմելով վարչապետին, ասաց․«Քաղաքական, հանրային, ռազմական, դիվանագիտական, առաջնորդության, առաջնորդության, քաղաքական բարոյականության առումներով ամբողջությամբ սնանկ վարչապետ, հոգիդ զղջալ չգիտի։ Բայց հոգիդ էլ չկա, որ զղջա, որովհետև դա էլ է սնանկ»։