«ԱԱԾ և ՊՊԾ աշխատողները, քննիչն ու ոստիկանը չպետք է թմրանյութ օգտագործեն»․ Ագնեսա Խամոյան

«Հայաստան» խմբակցության պատգամավոր Ագնեսա Խամոյանը ԱԺ պետաիրավական հարցերի հանձնաժողովի նիստում ներկայացրեց նախագծերի փաթեթ, որով առաջարկվում է «բացառել ուժային իրավապահ մարմիններում թմրանյութերի օգտագործումը»։ «Ոստիկանը, քննիչը, ԱԱԾ-ի աշխատողը, ՊՊԾ-ի ծառայողը, փրկարարը չեն կարող թմրանյութ օգտագործել։ Իսկ թմրանյութ օգտագործելու դեպքում առաջարկվում է կարգապահական ամենախիստ պատիժը՝ աշխատանքից ազատում։ Նախագծերի փաթեթի փոփոխություններով նաև աշխատանքի ազատում է նախատեսվում, եթե անձը հրաժարվում է հանձնել թմրանյութի թեստ։ Թեստ կահնձնեն տարեկան 2 անգամ՝ պատահականության սկզբունքով»,-նշեց Խամոյանը՝ ընդգծելով, որ սա ի ցույց կդնի նաև թմրանյութերի ապօրինի շրջանառության դեմ պայքարի պետական քաղաքականությունը»։