«Քողարկիչ ցանցերը թույլ չեն տալիս, որ թշնամին տեսնի մեր զինվորին». Նաիրի Հոխիկյան

Լրագրող Նաիրի Հոխիկյանը ֆեյսբուքյան իր էջում գրել է. «Երբ զինվորի ծառայության վայրն ապահովված է անհրաժեշտ պայմաններով, հայրենիքի պայմանական սահման պահելը դառնում է ավելի հանգիստ, զինվորն էլ՝ ավելի խիզախ։
Այս նկարում չի երևում, թե որտեղ է, բայց մեր առաջնագծի հերթական հատված է, որը կահավորվել է թշնամու ԱԹՍ-ներից ու դիպուկահարներից պաշտպանության պայմաններով։ Քողարկիչ ցանցերը թույլ չեն տալիս, որ թշնամին տեսնի մեր զինվորին, ուստի մեծանում է մեր զորքի անվտանգությունը։
Շնորհակալ եմ մեր այն հայրենակիցներին, որոնց օգնությամբ կարողանում ենք պայմանական սահմանը ուժեղացնել և ապահովել հայ զինվորների կյանքի անվտանգությունը։
Շարունակեք մասնակցել առաջնագծի ուժեղացմանը»։