«Ովքե՞ր են ոսկու վերարտահանմամբ զբաղվող ընկերությունների իրական սեփականատերերը»․ Թադևոս Ավտիսյանը՝ Գևորգ Պապոյանին

«Հայաստանից ոսկու վերարտահանման գործընթացը չի զրոյացել, այժմ էլ շարունակվում է, այդ լիցենզիաներն այսօր էլ տալիս ենք»,- այս մասին այսօր ԱԺ-Կառավարություն հարցուպատասխանի ժամանակ նշեց Էկոնոմիկայի նախարար Գևորգ Պապոյանը՝ անդրադառնալով «Հայաստան» խմբակցության պատգամավոր Թադևոս Ավետիսյանի դիտարկմանը․ այս տարվա կեսին բարձրացրեցիք պետական տուրքը, որի հետևանքով ոսկու արտահանման թռիչքաձև աճը ուղղակի վերացավ»։

Հարցին, թե որո՞նք են ոսկու վերարտահանմամբ զբաղվող ընկերությունները և ովքե՞ր են դրանց իրական սեփականատերերը և ի՞նչ հնարավոր կապ ու հովանավորչություն կա իշխանամերձ շրջանակներից, Պապոյանը պատասխանեց․ «Չգիտեմ, մեզ բացարձակապես դա չի հետաքրքրում, և եթե ձեզ հետաքրքրում է, երևի ձեր և ձեր խմբակցության կողքերը որ մի քիչ լավ նայեք, կարող է գտնեք էլ»։