«ՀՀ պարտքը 12 մլրդ է, նախատեսում են ավելացնել մոտ 1 մլրդ-ով»․ Արթուր Խաչատրյան

498

Երկուշաբթի, 28 հոկտեմբերի, 2024 թ., 14:24

«Փաշինյանի բյուջետային ուղերձը դպրոցի տարրական դասարանների բալիկների համար դասախոսություն էր, աղճատումների կույտ»,- «ԱրմԼուր»-ի հետ զրույցում ասաց ԱԺ «Հայաստան» խմբակցության պատգամավոր Արթուր Խաչատրյանը։ Անդրադառնալով ՀՀ պարտքին՝ պատգամավորը նշեց․ «Տնտեսական աճի թվերը, որոնք իշխանությունները նկարում են, որևէ առնչություն չունեն Հայաստանի և իրենց հետ։ Բացառապես պայմանավորված են ՌԴ-ի դեմ կիրառվող սանկցիաներով։ Օրինակ՝ Հայաստանը Ռուսաստանից գնում է ոսկի, ապա վերաարտահանում է ԱՄԷ, դա տնտեսության, ՀՀ բնակչի բարեկեցության վրա որևէ ազդեցություն չի ունենում։ Մեր տնտեսությունը չի աշխատում, բայց քանի որ մոտենում ենք ընտրությունների, իշխանությունը պետք է ամբոխահաճո ծախսեր կատարի և այդ ծախսերն անելու միակ տարբերակը պարտքն է։ Դրա համար մեր պարտքն աստղաբաշխական չափերի է հասել, հիմա 12 մլրդ է, նախատեսում են ավելացնել 1 մլրդ-ի չափով»,- ասաց Խաչատրյանը և որպես զսպման միջոց մատնանշեց իշխանափոխությունը։