«Դադարեցրե՛ք բանակի սրբագործման մոտեցումը. դա մեծագույն սխալ է». Նիկոլ Փաշինյան

«Որպես մի մարդ, ով բանակի սրբագործման հայեցակարգի կրողն է եղել և հետո դառնալի իրականության է բախվել, խորհուրդ եմ տալիս դադարեցնել բանակի սրբագործման մոտեցումը: Դա երրորդ հանրապետության ընթացքում բոլորիս գործած մեծագույն սխալն է»,- ԱԺ-ում 2025թ պետական բյուջեի մասին օրենքի նախագծի քննարկմանն իր եզրափակիչ ելույթում ասաց Նիկոլ Փաշինյանը։

«Բանակին պետք է վերաբերվել հարգանքով, պատկառանքով, հոգատարությամբ, բայց բանակը սրբագործման առարկա չպետք է լինի, որովհետև այդ «սրբագործումը» մեզ կուրացնում է, ու մենք չենք տեսնում մեր պրոբլեմն ու անելիքը և բանակի այն անկումը, որը ունեցել ենք երկար տարիներ: Նաև այդ «սրբագործման» հետևանքով մենք մեր բոլոր չարած գործերը լցնում ենք բանակի գլխին։ Մեր զինվորը, իրա ցավը տանեմ, կուչ եկած, սառած՝ կանի ինքը, բոլորի դեմ կկռվի, ինքը գիտե՞ք՝ ում սերունդնա՝ Տիգրան Մեծի, հեսա ստեղից տալու ա, դուրս գա Մադագասկար կղզի»,-ասաց նա
Վարչապետը նշեց նաև, որ Պաշտպանության նախարարությունը մեր երկրի ամենամեծ հարկատուներից է, ինչը նշանակում է, որ, այնուամենայնիվ, մեր սոցիալ-հոգեբանության և սոցիալ-մտածողության մեջ որոշակի խնդիրներ կան։