Իլոն Մասկը հանդիպել է ՄԱԿ-ում Իրանի դեսպանի հետ

Իլոն Մասկը՝ նորընտիր նախագահ Դոնալդ Ջ. Թրամփի մերձավոր խորհրդականը, երկուշաբթի օրը Նյու Յորքում հանդիպել է ՄԱԿ-ում Իրանի դեսպանի հետ։ Այս մասին հայտնում է The New York Times-ը։ Հանդիպումը իրանցի պաշտոնյաները նկարագրել են որպես քննարկում՝ Իրանի և Միացյալ Նահանգների միջև լարվածությունը թուլացնելու մասին։

Իրանցիները հայտնել են, որ Մասկի և դեսպան Ամիր Սաիդ Իրավանիի հանդիպումը տևել է ավելի քան մեկ ժամ և անցկացվել է գաղտնի վայրում: Ըստ լրատվականի իրանցի պաշտոնյաները հանդիպումը որակել են որպես «դրական» և «լավ նորություն»:

Հարցին, թե արդյոք եղել է նման նիստ, Թրամփի հաղորդակցության գծով տնօրեն Սթիվեն Չյունն ասել է. «Մենք չենք մեկնաբանում մասնավոր հանդիպումների մասին հաղորդումները, որոնք եղել են կամ չեն եղել»: Մասկը ևս չի պատասխանել մեկնաբանության խնդրանքին: