«Քաջ Նազարի պես՝ «գյադեք, ռադ եղեք», սրանք էլ ռադ են եղել»․ Աղվան Վարդանյան

«Սափրվելը, բնականաբար, հետևանքներ էր ունենալու։ Թախանձագին խնդրել է թողնել պաշտոնները, թե՞ Քաջ Նազարի պես ասել է՝ «գյադեք, ռադ եղեք», սրանք էլ ռադ են եղել»,- անդրադառնալով երեկվանից շարունակվող պաշտոնանկություններին՝ ԱԺ ճեպազրույցի ժամանակ ասել է «Հայաստան» խմբակցության պատգամավոր Աղվան Վարդանյանը։ «Դեպքերի զարգացման մի քանի սցենար կա, կապրենք, կաշխատենք, կտեսնենք»,- նշել է պատգամավորը՝ հավելելով, որ այս ամենը խոսում է Փաշինյանի՝ պետականության, պետական ինստիտուտների հանդեպ ունեցած վերաբերմունքի մասին․ «Նա փորձում է զրոյական կետից սկսել, սակայն տեսել ենք, թե ինչ հետևանքներ է ունենում, երբ նա զրոյական կետից է սկսում»: