«Կարո՞ղ ենք արձանագրել, որ հեղափոխությունը խժռում է իր զավակներին»․ լրագրողը՝ ՔՊ-ականներին

«Կարո՞ղ ենք արձանագրել, որ հեղափոխությունը խժռում է իր զավակներին»,- աղմկահարույց պաշտոնանկություններն ակնարկող հարցն ԱԺ ճեպազրույցի ժամանակ ուղղվեց ՔՊ-ական պատգամավորներին․ «Ո՛չ, չե՛ք կարող, կարող եք արձանագրել, որ հեղափոխությունը շարունակում է իր ընթացքը։ ՀՀ վարչապետը ժողովրդի կողմից ստացած իր մանդատը իրագործում է»,- պատասխանեց ՔՊ-ական պատգամավոր Վահագն Ալեքսանյանը։
«Չի նախատեսվում, որ պաշտոնյաները պետք է հավերժ լինեն իրենց պաշտոնին։ Տրամաբանական է, որ պաշտոնյաները, կախված իրենց աշխատանքի արդյունավետությունից, կարող են փոփոխվել, որևէ մեկը, որևէ բան չի խժռում»,- հավելեց Կոնջորյանը։