«Ամեն մեկը հասկացավ՝ ինքը այնքան տկար ստրուկ է, որ կարող են սմս-ով դուրս թռցնել»․ Սոֆյա Հովսեփյան

ԱԺ նախկին պատգամավոր Սոֆյա Հովսեփյանի ֆեյսբուքյան գրառումը․ «Գիտեմ, շաատ դաժան բան եմ առաջարկում, բայց մի քանի րոպե տրամադրեք ու միացրեք ԱԺ պատգամավորների այսօրվա հարցազրույցները:

Չէ, լսել պետք չի, այդքան սադիստ չեմ, բացի այդ՝ ոչ մի բան չեն ասում, քան այն, որ իրենց «աստծո» կամքը կատարելու են հլու շան պես:

Չէ, դուք նայեք իրենց վախեցած դեմքերին, մի գիշերում ծերացած ու թոռոմած վիճակներին, բառեր են փնտրում, որ նախադասությունը ռիսկային չլինի իրենց հետագայի համար, անխնամ, կարմրակալած ու հյուծված աուրայով խոսում են ...

Ու այս ամենը մեկ գիշերվա ընթացքում եղավ, երբ ամեն մեկը հասկացավ, որ ինքը այնքան տկար ստրուկ է, որ կարող են սմս-ով դուրս թռցնել»:

Ցավալին այն է, որ 2020 թ. նոյեմբերի 11-ին ոչ մեկի դեմքը այս սարսափելի հյուծվածությունը չէր արտահայտում, այլ կար պայքարելու ձգտում ու այդ պայքարը սեփական աթոռն ու աթոռ բաշխած անշնորհքին պաշտպանելն ու կաշին փրկելն էր:

Իսկ հիմաաաա... օ՜ կուլիսներ, օ՜ կուլիսներ»։