«Դուք ձեզ անպարկեշտ վաճառականի պես եք պահում»․ Իզաբելլա Աբգարյանը՝ քաղաքային իշխանությանը

«Դուք անպարկեշտ վաճառականի պես եք ձեզ պահում, որ տոներից առաջ թաքուն բարձրացնում են գները, հետո սև ուրբաթին զեղչեր են անում։ Դուք ստում եք ժողովրդին»,- դիմելով քաղաքային իշխանությանը՝ ասաց Երևանի ավագանու ընդդիմադիր անդամ Իզաբելլա Աբգարյանը՝ անդրադառնալով ուղեվարձի առաջարկվող արտոնությունների փաթեթին․ «Դուք ստում եք՝ ասելով, որ փող չկա։ Փող կա, հանրային ֆինանսները գրագետ ծախսող չկա»,- ասաց Աբգարյանը՝ կարծիք հայտնելով, որ իշխանությունն այս թանկացումների արդյունքում «ավելի մսոտ կտորներ է ստանում»։