«Ձենդ կտրի, 6 տարի շչակի նման գոռում էիր ականջիս տակ». Իզաբելլա Աբգարյանը՝ Անի Խաչատրյանին

Երանի ավագանու «Ազգային առաջընթաց» խմբակցության քարտուղար Իզաբելլա Աբգարյանի և «Հանրապետություն» խմբակցության ղեկավար Անի Խաչատրյանի միջև վիճաբանություն սկսվեց, երբ Աբգարյանը պատասխանում էր Անի Խաչատրյանի հնչեցրած մեղադրանքներին։ Հիշեցնենք, որ Խաչատրյանը ընդդիմադիր խմբակցությանը մեղադրել էր նրանում, որ իրենց համար Հայկ Մարությանի մանդատը ավելի կարևոր էր, քան տրանսպորտի սակագների վերաբերյալ նախագծի քվեարկությունը։ Վերջինիս ընդդիմադիր խմբակցությունը չէր մասնակցել՝ ի նշան բողոքի լքելով դահլիճը․ «Այո, մեզ համար կարևոր է մանդատը, քանի որ մենք մեր քաղաքացու պատվիրակածը չենք ծախում կուլիսներում և միջանցքներում՝ պայմանավորվածությունների ու փայբաժինների մեջ մտնելով»,- ասաց Աբգարյանը։
Անի Խաչատրյանը տեղից դիտարկումներ կատարեց, որին ի պատասխան Աբգարյանն ասաց․ «Ձենդ կտրի էնտեղ, 6 տարի շչակի նման գոռում էիր ականջիս տակ»։