«Փաշինյանը կհեռացվի, բայց խայտառակության կնիքը դեռ երկար կմնա մեր երկրի վրա»․ Անդրանիկ Թևանյան

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան գրառումը. «Կասկած չկա, որ Նիկոլ Փաշինյանը ոչ հեռու ապագայում հեռացվելու է։ Նա ավարտված գործիչ է և վերանալու է քաղաքական դաշտից։ Տրամաբական սցենարը նրա դեպքում Սահակաշվիլու ճակատագրի կրկնությունն է։
Նա կհեռացվի, բայց խայտառակության կնիքը դեռ երկար կմնա մեր երկրի ու հայ ժողովրդի վրա, քանզի պետության ղեկին Նիկոլի պես ղեկավար ունենալը տիեզերական մասշտաբի խայտառակություն է։
Ամբողջ աշխարհը դեռ երկար է հայ ժողովրդի մասին կարծիք կազմելու Նիկոլով, ով պատերազմ բերեց, պարտություն բերեց, ծառայեց թշնամուն, բայց վերընտրվեց ու մնաց վարչապետի աթոռին։ Հայերիս վարկանիշն այս ամենի արդյունքում հայտնվել է հատակում։ Պատմությունն էլ դարերի հեռվից դեռ բարձր կաղմկի այս մասին։
Ամոթի ու խայտառակության կնիքից ազատվելն ազգային գաղափար պետք է դառնա՝ կայուն զարգացող ու անվտանգ պետություն ունենալու այցեքարտով»։