«Մոսկվան մնում է Հարավային Կովկասում տնտեսական և տրանսպորտային բոլոր կապերի ապաշրջափակման կողմնակիցը»․ Գալուզին

Ռուսաստանն անում է և կանի հնարավորը, որպեսզի ՌԴ, Ադրբեջանի և Հայաստանի միջև պայմանավորվածությունները կյանքի կոչվեն, ասել է ՌԴ փոխարտգործնախարար Միխայիլ Գալուզինը։ Գալուզինն ընդգծել է Ռուսաստանի, Ադրբեջանի և Հայաստանի ղեկավարների միջև 2020-2023թթ․ ձեռք բերված եռակողմ պայմանավորվածությունների կարևորությունը։
«Մոսկվան մնում է Ադրբեջանի և Հայաստանի միջև խաղաղության հաստատման, խաղաղության պայմանագրի կնքման և Հարավային Կովկասում տնտեսական և տրանսպորտային բոլոր կապերի ապաշրջափակման կողմնակիցը։ Մենք նաև հանդես ենք գալիս հայ-ադրբեջանական սահմանի շուտափույթ սահմանազատման և սահմանագծման, ինչպես նաև Բաքվի և Երևանի միջև՝ արդեն նոր հիմքի վրա կապերի համակողմանի զարգացման օգտին»,- եզրափակել է նա։