«Ինչպիսի՞ եղանակ է լինում Ամանորին Երևանում»․ Լևոն Ազիզյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը․

«Ինչպիսի՞ եղանակ է լինում Ամանորին Երևանում։
Ըստ կլիմայական նորմայի՝ օդի միջին ջերմաստիճանը դեկտեմբերի 31-ին -2.4°C է, ձյան ծածկույթի միջին բարձրությունը՝ 5սմ:
Երևանի դիտարկումների պատմության մեջ ամենացուրտ դեկտեմբերի 31-ը եղել է 1953 թվականին, երբ նվազագույն ջերմաստիճանը եղել է -24.9°C, իսկ ամենատաքը՝ 2017 թվականին, երբ օդը տաքացել է մինչև + 14.0°C։ Ամենացուրտ հունվարի 1-ը գրանցվել է 2007 թվականին, երբ նվազագույնը եղել է -24.1°C, իսկ ամենատաքը՝ 2010 թվականին՝ +12.7°C։

Ամենաձնառատ Նոր տարին եղել է 1994-1995 թվականներին, երբ ձյան ծածկի բարձրությունը հասել է 20-24սմ-ի:
Ինչպիսի՞ եղանակ կլինի այս տարի Ամանորին, կիմանաք դեկտեմբերի 26-ին՝ հետևելով մեր ֆեյսբուքյան էջին»։