«Համաձայն չենք ՊՎԾ-ի հայտնաբերած խախտումների հետ»․ Ահարոն Սահակյան

Օրեր առաջ Պետական վերահսկողական ծառայությունը հաղորդագրություն էր տարածել՝ նշելով, որ ուսումնասիրվել է Լոռու և Կոտայքի մարզպետների աշխատակազմերին 2021-2023 թթ. հատկացված պետական միջոցների կառավարման օրինականությունն ու արդյունավետությունը։

Արդյունքում, մի շարք ծախսերի ուսումնասիրությամբ Կոտայքի մարզպետի աշխատակազմում արձանագրվել են շուրջ 1.07 մլրդ ՀՀ դրամի, իսկ Լոռու մարզպետի աշխատակազմում՝ շուրջ 600 մլն ՀՀ դրամի առերևույթ խախտումներ և անհամապատասխանություններ:

«Համաձայն չենք այդ խախտումների հետ, մենք մեր պարզաբանումները տվել ենք։ Հիմա գործն ուղարկվել է դատարան, սպասում ենք»,- կառավարության նիստից հետո լրագրողների հետ զրույցում ասաց Կոտայքի մարզպետ Ահարոն Սահակյանը՝ վսըահեցնելով, որ չարաշահումներ չկան.

«Վստահ եմ, որ խախտումներ էլ չկան։ Քանի որ գործն արդեն գնացել է դատախազություն, խնդրում եմ, դուք էլ հետևեք իրադարձություններին, հասկանանք՝ արդյո՞ք կան այդ խախտումները, թե՞ ոչ»։