«Սարիկ Մինասյանը Արման Սահակյանի նվերն է ՔՊ-ին»․ Սուրեն Սուրենյանց

«Սարիկ Մինասյանի՝ խաղի մեջ մտնելը կապված է ուրիշ բանի հետ․ Նիկոլ Փաշինյանը փորձում է ստանալ Գյումրիի ընտրություններում նախկինների օրոք հաջող գործավարություն արած, բայց ներկա պայմաններին շատ հաջող ադապտացված, «Շիրակ» ֆուտբոլային ակումբի նախագահ Արման Սահակյանի աջակցությունը»։ Այս մասին հայտնեց «Դեմոկրատական այլընտանք» կուսակցության նախագահ, քաղաքագետ Սուրեն Սուրենյանցը դեկտեմբերի 20-ի ասուլիսում։ «Իրականում Սարիկ Մինասյանը Արման Սահակյանի նվերն է ՔՊ-ին»,- նշեց նա։
«Եթե դու ընդունում ես, որ կա ճգնաժամ, ինչո՞ւ ես ընտրությունների անցկացումը նշանակում երկու ամիս հետո․ սա ՏԻՄ-ի ուզուրպացիա է, որը, ասենք, Ալավերդիում քաղաքական անասնագողությամբ արեցին, Գորիսում ուրիշ ձևի են անում, Վանաձորում տարան մարդուն երկուսուքանի տարի փակեցին և այլն»,- ասաց քաղաքագետը։