«Դավիթ Սեդրակյանի հետ նույն թաղում ենք ապրում»․ Արմեն Փամբուխչյանը՝ Թոխմախի Մհերի որդու մասին

«Մեր թիմակիցներից որևէ մեկի հետ որևէ անձնական խնդիր չունեմ, մեծ հույս ունեմ, որ իրենք էլ ինձ հետ չունեն»,- մեկնաբանելով ՔՊ կուսակցության ներսում տեղի ունեցող խմորումները՝ ասաց ՔՊ վարչության անդամ, Երևանի քաղաքապետի առաջին տեղակալ Արմեն Փամբուխչյանը։ Նա նշեց, որ ինքը չունի որևէ կոռուպցիոն գործունեություն։
«Թոխմախի Մհերի որդուց նվեր ստացած մեքենաների մասին է խոսքը» դիտարկմանն ի պատասխան՝ Փամբուխչյանը նշեց․ «Դուք իմ հերքումից մեջբերում չեք անում՝ ես հերքել եմ, որ չկա նման բան»։ «Դավիթ Սեդրակյանի հետ նույն թաղում ենք ապրում, ունենք նորմալ, բարիդրացիական հարաբերություններ»,- նշեց փոխքաղաքապետը։