«Ադրբեջանը 90-ականներին առաջարկում էր կոնֆեդերացիա ստեղծել՝ մենք չհամաձայնեցինք»․ Հրանտ Բագրատյան

«1990-ականների սկզբին ղարաբաղյան բանակցությունները վարում էր նախագահ Տեր-Պետրոսյանը, երեք անգամ ինքը խնդրել է, որ ես մասնակցեմ, դա եղել է Մոսկվայում՝ երկու անգամ Ադրբեջանի վարչապետի հետ եմ հանդիպել, մեկ անգամ՝ Հեյդար Ալիևի հետ»։ Այս մասին 5-րդ ալիքի եթերում հայտնեց ՀՀ նախկին վարչապետ Հրանտ Բագրատյանը՝ հավելելով, որ Հեյդար Ալիևի հետ հանդիպմանը ներկա էր նաև Ռոբերտ Քոչարյանը՝ որպես Արցախի նախագահ։

«Նրանք (ադրբեջանցիները) միշտ խոսում էին, որ պետք ա մի ձև գտնենք, մի ֆորմուլա գտնենք, եղբայրավարի ապրենք և այլն, և այլն, առաջարկում էին Ադրրբեջանի սահմանադրությամբ նախատեսել կոնֆեդերացիայի գաղափարը․ մենք դրան չհամաձայնեցինք»,- պատմեց Բագրատյանը։

Նրա բնորոշմամբ, վարչապետ Նիկոլ Փաշինյանը արցախյան խնդրի վերաբերյալ աբսուրդ բաներ է ասում։ «Տես, օրինակ, խաղաղությունը Ադրբեջանի հետ չստացվեց, Ադրբեջանը կզցնում ա Հայաստանին, անընդհատ նորանոր պահանջներ է դնում»,- նշեց Բագրատյանը՝ հայտնելով, որ Փաշինյանը վերջերս խոսել է այն մասին, որ 1919 թվականին Բաքուն պահանջել է Հայաստանի տարածքի 60 տոկոսը։ «Էլ բան չունի ասելու, 19 թիվն է հիշել, դու տղամարդկություն չունե՞ս՝ ասես՝ «Ադրբեջա՛ն, քո կարգավորմանը համաձայն չեմ, դա կարգավորում չէ, դա նոր պատերազմ է բերում»,- ասաց բանախոսը։