«Ստացվում է, որ առաջին պատերազմում ինչ կատարվել է՝ Ռուսաստանի թույլտվությա՞մբ էր»․ Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Հայաստանի առաջին նախագահ Լևոն Տեր-Պետրոսյանը 28 տարի առաջ բանաձևել է, որ մենք ոչ թե պատերազմ, այլ ճակատամարտ ենք շահել: Շուրջ երեք տասնամյակ անց, շատ ցավալի պարտությունից հետո դարձյալ գտնվում են մարդիկ, որ ասում են. «Ինչո՞ւ Հայաստանը մտավ բանակցությունների մեջ, չէ՞ որ կարելի էր Ադրբեջանին կապիտուլյացիա պարտադրել»: Լավ, Հռոմի պապից ավելի կաթոլիկ ցուցամոլվելու իմաստը ո՞րն է: Ղարաբաղցի մի նախկին պաշտոնյա էլ, որ գիտակցական ամբողջ կյանքում Ռուսաստանի նվիրյալն է եղել, ոչ ավել, ոչ պակաս՝ ասում է. «Ռուսաստանը թույլ չտվեց, որ մենք Ադրբեջանին ջախջախենք»: Ստացվում է, որ առաջին պատերազմում ինչ կատարվել է՝ Ռուսաստանի թույլտվությա՞մբ էր»: