Ղրիմում առաջին անգամ գրանցվել է մազութի արտանետում

Փորձագետներն առաջին անգամ արձանագրել են մազութի արտանետում Ղրիմի Սուդակ քաղաքային թաղամասում, հայտնում է ՌԴ ԱԻՆ մամուլի ծառայությունը։

«Ղրիմում՝ Կապսել ծովածոցի շրջանում՝ Ֆրանցուժենկա հրվանդանից մինչև «Բագրատիոն» շոգենավը, նավթամթերքի արտանետում է հայտնաբերվել՝ երկու կիլոմետրանոց ավազոտ տարածքի աննշան աղտոտում»,- ասվում է հրապարակման մեջ:

Բացի այդ, փորձագետները Սև ծովում Անապայի մոտ նավթի բիծ են հայտնաբերել: Օդից փորձագետները հետազոտել են քաղաքի առափնյա գիծը և Ուտրիշ արգելոցի տարածքը։ Գյուղի կենտրոնական լողափի ափից 1,5 կիլոմետր հեռավորության վրա նրանք հայտնաբերել են յուղոտ բիծ դեպի Վիտյազևո գյուղ։

«Ծովային փրկարար ծառայության մասնագետները սկսել են նավթային խառնուրդի հավաքումը»,- ասվում է հաղորդագրության մեջ։

Հիշեցնենք, որ դեկտեմբերի 15-ին Կերչի նեղուցում վթարի են ենթարկվել Volgoneft-212 եւ Volgoneft-239 լցանավերը։ Նախօրեին հայտնի էր դարձել, որ դեպքից հետո Ղրիմում մազութով աղտոտվածության նոր տարածքներ են հայտնաբերվել։