«Դուք ձեր արած «բարեփոխումից» գո՞հ եք». Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը՝ կից տեսանյութով. «Դուք ձեր արած «բարեփոխումից» գո՞հ եք։ QR կոդերը խնդիրներով, առանց պատշաճ իրազեկման ժամկետը կրճատած, թերմոթղթով միջավայրը աղտոտելով։ Բանկային քարտը ըստ տրանսպորտի տեսակի է աշխատում, ինչի մասին երևանցիները մասսայական բողոքում են։ Փոխադրամիջոցները շատ մեծ ինտերվալներով են աշխատում, մարդիկ էլ դրսում սառում են։ Փնթի, ոչ պրոֆեսիոնալ թույլ թիմով աշխատանք եք կատարում։ Ինչքա՞ն կարելի է սիրողական մակարդակով մայրաքաղաք կառավարել։ Մեր երկրում քաղաքացու շահերը պաշտպանող ու վերահսկող կարույց կա՞, թե ԽԾԲ-ն և կուսակցականությունը վերջնականապես հաղթեց։ Ամենակարևորը, որ կոռուպցիան իսպառ վերացրեցիք 2018-ից հետո, «նախկիններն էին սարսափելի»։ Փաստորեն, այս հարկամոլության արդյունքում՝ քաղաքացուն բաժին հասավ փնթի ծառայություն, իսկ նրա հարկերով աշխատող քաղաքի ղեկավարին՝ 20.000$ ուղետոմս»: