«Ալիևը փաստացի և պաշտոնապես հրաժարվեց «խաղաղության պայմանագրից»․ Դավիթ Սարգսյան

Լրագրող Դավիթ Սարգսյանի ֆեյսբուքյան գրառումը․ «Ալիևը քիչ առաջ իր ելույթում փաստացի և պաշտոնապես հրաժարվեց «խաղաղության պայմանագիր» կոչեցյալի նույնիսկ ֆիկցիայից՝ հայտարարելով. «Մեզ խաղաղության պայմանագիր պետք չէ: Հայաստանը ֆաշիստական պետություն է, և այդ ֆաշիզմը պետք է ջախջախվի: Դա կանեն կա՛մ ՀՀ իշխանությունները, կա՛մ մենք՝ Ադրբեջանը»:
Վստահ եմ, որ Ալիևի պասով՝ պարագլուխը շատ շուտով Հայաստանի «դենացիֆիկացիայի» նոր փուլի մեկնարկն է տալու: Դա համեմատելի կլինի 19-րդ դարավերջի Օսմանյան կայսրությունում հայերի վիճակի հետ, երբ սուլթան Համիդն արգելել էր անգամ «Արմենիա» բառի կիրառությունը: Ազգությամբ հայերս մի վերջին, ծանր ու ճարահատ կռիվ պիտի տանք»։