Բրազիլիայում բիզնես-ջեթի վթարի հետևանքով օդաչուն մահացել է

1042

Ուրբաթ, 10 հունվարի, 2025 թ., 10:54

Բրազիլիայի Սան Պաուլո նահանգի հյուսիսային ափին գտնվող Ուբատուբա քաղաքի օդանավակայանում վայրէջք կատարելիս բիզնես-ջեթը վթարի է ենթարկվել, հայտնում է G1-ը։

Ինքնաթիռը մեծ արագությամբ դուրս է եկել թռիչքուղուց և բռնկվել։ Օդաչուն մահացել է։ Ինքնաթիռում չորս ուղևոր է եղել՝ զույգ և երկու երեխա, նրանց հաջողվել է փրկել։

Ըստ Սան Պաուլոյի Հասարակական անվտանգության վարչության տվյալների՝ երեք մարդ, ովքեր միջադեպի պահին եղել են լողափում, վնասվածքներ են ստացել։