«Հիասթափված ազգակիրները շփոթմունքի մեջ են»․ Արծրուն Պեպանյան

Քաղաքական վերլուծաբան Արծրուն Պեպանյանի գրառումը․ «Խառնակ այս վիճակում, մի քանի անգամ հիասթափված, ազգակիրները շփոթմունքի մեջ են՝ չիմանալով ո՜ւմ լսել, ո՞ւմ խոսքերին հետևել։ Խորհուրդս հետևյալն է՝
ԱՌԱՋՆԱՀԵՐԹ լսել նրանց, ովքեր բավարարում են հետևյալ բոլոր պայմաններին՝
- 1. 2018-ի ապրիլին խանդավառ կանչերով հրապարակներ չեն փակել,
- 2. 2018-ի ապրիլին ձեզ զգուշացրել են սպասվող հնարավոր աղետի մասին,
- 3. 2018-ի մայիսին հանդես չեն եկել իշխանություններին սատարումի կոչերով,
- 4. հրապարակային իրենց այժմյան խոսքը իշխանավորների նկարագրության մասին չէ ու պոպուլիստական, չէ
- 5. առնվազն 2018-ի ապրիլի դրությամբ ներկայացրել են ժողովրդի ծայրաստիճան մտահոգիչ այն պատկերը, որը հիմա տեսնում եք, և բացատրել են այդ վիճակի պատճառները,
- 6. առնվազն 2018-ի ապրիլի դրությամբ ներկայացրել են ժողովրդի այդ վիճակի ապաքինման ծրագիր֊առաջարկ,
- 7. առնվազն 2018-ի ապրիլի դրությամբ ներկայացրել են և այսօր էլ, հաշվի առնելով ստեղծված կացությունը, ձեզ ներկայացնում են ժողովրդի ազգակիր հատվածի ինքնակազմակերպման քայլերի համակարգ՝ որպես աշխարհաքաղաքական ուժերի հակահայ ծրագրերին հնարավորինս դիմակայելու երաշխիք։
Սա է հորդորս։ Ուշադիր զննեք ձեր շուրջը՝ իմ այս թեսթը հիմք ընդունելով, և չեք հուսալքվի հերթական անգամ»։