«Տվեք մի եվրոպացի առաջնորդի անուն, ով մեզ հրավիրել է անդամակցել ԵՄ-ին»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․ «Տվեք մի եվրոպացի առաջնորդի անուն, ով մեզ հրավիրել է անդամակցել ԵՄ-ին։
Կամ ասեք ՆԱՏՕ-ի անդամ երկրներից մեկի ղեկավարի անունը, ով պատրաստակամություն է հայտնել պաշտպանել Հայաստանին արտաքին ագրեսիայի դեպքում: Չկա, բա որտեղի՞ց ասեք:
Ու էս փուչիկ օրակարգը այսօր Հայաստանի քաղաքական թիվ մեկ օրակարգն է:
Պատկերացրեք, դուք ուզում եք գնալ և բնակվել մի նորակառույց շքեղ շենքում, որտեղ բոլոր բնակարանները զբաղված են ու մարդիկ իրենց սեփական տներում նստած, իսկ ձեզ նույնիսկ հյուր չեն հրավիրել, բայց դուք ասում եք, որ պատրաստեք գնալ հրաժարվել ձեր բնակարանից ու ապրել այդ նորակառույցում, բայց որտեղ, դուք էլ չգիտեք:
Սա է այս փուչիկ օրակարգի ողջ էությունը»։