«Դիլիջանցիներ, դուք մտահոգված չե՞ք ձեր երեխաների ճակատագրով». Յաշա Սոլոմոնյան

Ճամփորդական ակումբի հիմնադիր Յաշա Սոլոմոնյանը ֆեյսբուքյան իր էջում գրել է. «Հարգելի դիլիջանցիներ, ովքեր երեխաներ ունեն Դիլիջանի թիվ 1 մանկապարտեզի մսուր խմբում։
Դուք մտահոգված չե՞ք ձեր երեխաների ճակատագրով։
Ես սարսռեցի, երբ կարդացի «Հետք»-ի հոդվածը։ Չեմ պատկերացնում, թե ինչպես կարելի է 2-3 տարեկան երեխա վստահել էդ «կոլեկտիվին», որտեղ 20 երեխայի խնամք թողնված է դայակի հոգածությանն, ով, ըստ էության, տարրական մանկավարժական կրթություն չունի և պարտավոր էլ չէ ունենալ։ Էլ չեմ ասում, որ ձեր երեխաների հետ ձեռքի հետ «բզբզում են» պարուսույցը, գործավարը, բուժքույրը... Լավ ա, էդ մանկապարտեզում դարբնի, պարկովչիկի և կինոլոգի հաստիք չկա, թե չէ իրենք էլ իրենց մասնագիտական փորձով կկիսվեին 2-3 տարեկան երեխաների հետ։
Դե իսկ Դիլիջանի համայնքապետարանի արձագանքն ու «ծածկադմբոց» անելու փորձերն էլ առնվազն մտահոգիչ են։
Հուսամ՝ Տավուշի մարզպետարանում, ՀՀ կրթության, գիտության, մշակույթի և սպորտի նախարարությունում, ՀՀ աշխատանքի և սոցիալական հարցերի նախարարությունում, ՀՀ Մարդու իրավունքների պաշտպանի գրասենյակում դեռ ադեկվատությունը չկորցրած պաշտոնյաներ կան ու պատշաճ ձևով կարձագանքեն իրավիճակին։
ՀԳ. Մաքսիմալ պետք է տարածել նյութը՝ հասարակական հնչեղություն տալով հարցին, որ հերթական չինովնիկական ծածկադմբոցը տեղի չունենա»։