«Նաիրիտ»-ի ենթակայանում՝ ՀԷՑ-ին պատկանող տարածքում, հայտնաբերվել է 23-ամյա աշխատակցի մարմինը

927

Ուրբաթ, 12 սեպտեմբերի, 2025 թ., 22:36

Այսօր՝ սեպտեմբերի 12-ին ողբերգական դեպք է տեղի ունեցել Երևանում։ ժամը 16։35-ի սահմաններում ՆԳՆ տեղեկություններ են ստացվել, որ «Նաիրիտ» գործարանի տարածքում գտնվող Նաիրիտ 35/6 ենթակայանում Հայաստանի էլեկտրական ցանցեր ընկերությանը պատկանող վայրում դի կա։
Ինչպես հայտնում է Գագիկ Շամշյանը, նշված վայրում Շենգավիթի ոստիկանները հայտնաբերել են Երևանի բնակիչ 23-ամյա Պարույր Հ-ի դին։
Դեպքի փաստով Շենգավիթի քննչական բաժնում «աշխատանքի պաշտպանության կանոնները խախտելը, որն առաջացրել է մարդու մահ», հատկանիշներով նախաձեռնվել է քրեական վարույթ։ Մանրամասները՝ սկզբնաղբյուրում։